Aplikacioni i SBB po u kushton shtrenjtë udhëtarëve

Aplikacioni SBB po i bën udhëtarët të paguajnë shumë

Një gabim në aplikacionin e SBB-së (Hekurudhat Federale Zvicerane) po bën që shumë udhëtarë me abonim rajonal të paguajnë më shumë se sa duhet kur blejnë bileta jashtë zonës së tyre të vlefshmërisë, përcjell albinfo.ch.

Referuar mediave zvicerane, të cilat e zbuluan këtë çështje të hënën, “pasagjerët që kanë një abonim rajonal po tarifohen më tepër kur blejnë një biletë për një udhëtim që shkon përtej zonës së abonimit të tyre përmes aplikacionit të SBB-së.”

Në teori, pjesa e udhëtimit që tashmë mbulohet nga abonimi rajonal duhet të zbritet nga çmimi total i biletës.

Megjithatë, aplikacioni “jo gjithmonë e njeh automatikisht abonimin e regjistruar në llogarinë e klientit kur udhëtimi kalon kufirin e rrjetit rajonal”. Si pasojë, udhëtarët paguhen për tërë udhëtimin, përfshirë edhe pjesën që është tashmë e paguar përmes abonimit.

Nga SBB kanë bërë të ditur se janë në dijeni të problemit dhe se po punojnë për ta rregulluar defektin në sistemin e aplikacionit.

---