Arba Kokalari, zyrtarisht deputete në Parlamentin Europian

Arba Kokalari/Fb

Arba Kokalari nga Suedia është shqiptarja e parë që arriti të hyjë si anëtare në Parlamentin Europian.

Gjatë zgjedhjeve të 26 majit, asaj ia besuan votën shumë njerëz, duke ia siguruar kështu një ulëse në PE, përcjell albinfo.ch.

E gjatë ditës së sotme Kokalari ka njoftuar se tashmë është zyrtarisht deputete në këtë parlament.

“Tashmë jam zgjedhur zyrtarisht si anëtare e Parlamentit Europian. Një falënderim i madh shkon për të gjithë ata që më kanë mbështetur mua dhe partinë, dhe për të gjitha urimet që kam marrë nga e gjithë Europa”, ka shkruar Kokalari në faqen e saj në Facebook.