Arinjtë nga Shqipëria do të vendosen në Zvicër

Dy arinj nga Shqipëria do të vendosen në Zvicër, pasi kushtet i kishin shumë të rënda në Shkodër

Dy arinj nga Shqipëria do të strehohen në Zvicër, ku kushtet janë shumë më të mira. Ata janë në një restorant në Shkodër, ku kushtet ishin shumë të këqija dhe tashmë kanë marrë leje që të vendosen në Arosa, shkruan ‘Blick’.

Kjo është bërë me ‘urdhër’ të Organizatës Ndërkombëtare për Mbrojtjen e Kafshëve “Katër shputat”, përcjell albinfo.ch.

Dy arinjtë nga Shkodra janë 13-vjeçarë, njëri mashkull dhe tjetri femër dhe do të vendosen në Zvicër, ku kushtet i kanë shumë më të mira.

Deri në fund të janarit ata tashmë do të jenë në Zvicër. Për të dy arinjtë me ngjyrë kafe, që më herët nuk kishin emra, duhej kërkuar azil, por kjo nuk pritet të paraqet problem.

Të dy arinjtë nuk priten të kenë problem dhe shumë shpejt do të mësohen me mjedisin e ri, ku i pret Napa.

---