Arrestohen në Kosovë 6 rusë e 5 serbë për kalim ilegal të kufirit

Policia e Kosovës arreston njëmbëdhjetë persona të dyshuar për kalim të paautorizuar të vijës kufitare

Policia e Kosovës ka njoftuar se ka arrestuar 11 persona të dyshuar për kalim ilegal të vijës kufitare.

Sipas njoftimit zyrtar të Policisë, zyrtarët kufitarë më 8 gusht kishin marrë informata se në lagjen e quajtur Sekiraqa në fshatin Metergof të Podujevës, pritet të hyjnë në mënyrë të paligjshme disa shtetas serbë dhe rusë.  ^“Policia Kufitare ka ndërmarrë masat e nevojshme policore duke angazhuar ekipe patrulluese të kufirit, të cilat si rezultat i punës rreth orës 13:45 në lokacionin  e cekur, saktësisht tek tabela paralajmëruese e KFOR-it e cila tregon afërsinë e kufirit, kanë ndaluar dy automjete të dyshuara me targa të Serbisë”, thuhet në njoftim.

Gjatë kontrollit të dy automjeteve “Mercedes” kombi ngjyrë e bardhë, janë ndaluar gjithsejtë njëmbëdhjetë (11) persona të dyshuar, nën dyshimin e bazuar për kalim të paautorizuar të kufirit shtetëror.

Nga 11 të arrestuarit janë gjashtë rusë e pesë serbë

Personat e ndaluar janë;

1. M. P.       1990  M       Serb
2. Z. P.       1969  M       Serb
3. Y. P.       2002 F        Rus
4. O. K.      1977  F        Rus
5. E. P.       1974  F        Rus
6. E. P.       1975  F        Rus
7. A. K.      1974  M       Rus
8. G. P.       1966  M       Serb
9. M. M.      1980 F        Serb
10. A. P.       1975  M       Rus
11. V. P.       1991  F        Serb

Personat e dyshuar së bashku me automjetet janë dërguar në stacion të Policisë Kufitare, për intervistim dhe procedim të mëtejmë, sipas procedurave të parapara ligjore.

Lidhur me rastin janë njoftuar prokurori kujdestar i shtetit, oda e avokatëve të Kosovës dhe zyra ndërlidhëse ruse në Republikën e Kosovës.