Lajme
Arrestohet 81 vjeçari, shkaktar i vdekjes së Dr. Jetmir Morinës në aksident
Drejtuesi i veturës, një shtetas zviceran, 81 vjeçar, dyshohet se është larguar nga vendi i aksidentit në autostradë, pa u ndalur
Mbrëmjen e së mërkurës së javës së kaluar (12 prill 2023), 30 vjeçari shqiptar, Leutrim Morina kishte vdekur në spital, nga plagët e rënda pas një aksidenti trafiku në autostradën A1 në Winterthur, shkruan albinfo.ch.
Morina, i cili ishte mjek me profesion, kishte humbur jetën në përpjekje për të ndihmuar njerëzit në një aksident që kishte ndodhur pak më parë, në atë pjesë të autostradës.
Policia e Kantonit të Cyrihut tashmë ka arrestuar një burrë të hënën në mbrëmje (17 prill 2023) i cili dyshohet se pas aksidentit rrugor ka ikur nga vendi i aksidentit, thuhet në një komunikatë të Policisë Kantonale të Cyrihut, të publikuar sot.
Siç është njoftuar tashmë, 30-vjeçari ishte goditur nga një automjet në A1 mbrëmjen e së mërkurës së kaluar dhe nga forca e përplasjes ishte hedhur mbi parmakë në Zürcherstrasse, ku qe përplasur nga një makinë pasagjerësh e panjohur fillimisht.
Tani, bëhet e ditur se Policia e Kantonit të Cyrihut ka arrestuar të hënën në mbrëmje një 81-vjeçar zviceran, banues në kantonin e Cyrihut, trasnmeton albinfo.ch. Pas hetimeve intensive nga policia kantonale e Cyrihut në bashkëpunim me Institutin e Mjekësisë Ligjore të Cyrihut FOR, supozohet se i arrestuari ka goditur me makinë 30-vjeçarin në Zürcherstrasse më 12 prill 2023.
Drejtuesi i veturës dyshohet se është larguar nga vendi i aksidentit pa u ndalur.Pas marrjes në pyetje në polici, i arrestuari është dërguar në Prokurorinë Publike përgjegjëse. Të arrestuarit i është sekuestruar makina për sigurimin e provave.
Se cilat lëndime nga cila pjesë e aksidentit kanë çuar përfundimisht në vdekjen e 30-vjeçarit është pjesë e hetimit në vazhdim që po kryen zyra e prokurorit publik në Winterthur/Unterland.
E-Diaspora
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër Kushdo që merr këtë letër dhe nuk e identifikon si mashtrim, sigurisht që do të ketë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Zvicër
-
SWISS do të rifillojë fluturimet për në Tel-Aviv të premten Linja ajrore kombëtare do të nisë sërish fluturimet për në qytetin izraelit nga nesër, përcjell albinfo.ch....
-
Mungesa e banesave në Cyrih dhe qiratë e larta nxisin trendin e ‘sublet’
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut
-
Mbi 60 trena shtesë drejt Ticinos gjatë fundjavave në maj