Lajme

Kryeministri grek kërkon falje për aksidentin

Kryeministri i Greqisë, Kyriakos Mitsotakis, ka kërkuar falje nga familjet e 57 viktimave të aksidentit tragjik të fillim marsit në Larisa të Greqisë.

“Si kryeministër, ua kam borxh të gjithëve, veçmas familjarëve të viktimave që t’u kërkoj falje. Për Greqinë e vitit 2023, dy trena që udhëtojnë në drejtime të ndryshme nuk mund të lëvizin në shinë të njëjtë dhe askush të mos e vërejë”, shkroi Mitsotakis.

Kjo ka nxitur zemërimin e qytetarëve grekë edhe në Athinë, ku pati përleshje mes protestuesve dhe policisë helene. Ministri i Transportit është dorëhequr nga posti, derisa opozita po kërkon përgjegjësi nga e gjithë qeveria greke.

Autoritetet në Greqi kanë filluar hetimin për të gjetur arsyet se pse dy trenat u përplasën.