Bota

Arrestohet në Gjermani një person i dyshuar për sulmet në Paris

E enjte, 27 Qershor 2019 - 15:20 albinfo.ch

Autoritetet gjermane kanë arrestuar një shtetas të Bosnjë e Hercegovinës, të cilin e kërkonte Belgjika lidhur me sulmet terroriste në Paris në vitin 2015, transmeton Anadolu. 

Prokuroria në Dresden sot njoftoi se 39-vjeçari i dyshuar, identiteti i të cilit nuk u zbulua, u arrestua 7 ditë më parë. Më tej thuhet se ai është i lidhur me sulmet në Paris dhe se kërkohet nga autoritetet belge, për pretendimet se mbështet organizatën terroriste. 

Shtetasit të BH-së i është caktuar masa e paraburgimit në qytetin lindor të Gjermanisë, Merseburg. 

Në disa sulme në Paris, përgjegjësinë e të cilave e mori organizata terroriste DEASH, më 13 nëntor 2015, humbën jetën 130 persona. 

 

 Të ngjashme

Si rekrutohet stafi infermieror nga Kosova, në Bavari

 Të tjera nga Bota

Pse dronët e Gjermanisë nuk treguan rezultate në Ukrainë?

 E-Diaspora

 Jeta në Zvicër