Arrestohet një polic i dyshuar për keqpërdorim të detyrës zyrtare

Inspektorati Policor i Kosovës njofton se pas hetimit një mujor ka arrestuar një zyrtar policor, i cili dyshohet se ka kryer veprën penale keqpërdorim i pozitës dhe autoritetit zyrtar.

Zyrtari policor i arrestuar punonte në stacionin e Hanit të Elezit te policia kufitare, transmeton albinfo.ch.

“Me autorizim të prokurorit, hetuesit e IPK-së kanë filluar hetimin ndaj këtij zyrtari duke ndërmarrë edhe disa veprime hetimore të cilat rezultuan me arrestimin e të dyshuarit.

Me vendim të prokurorit të shtetit, të njëjtit i është caktuar masa e ndalimit policor për 48 orë deri në vazhdimin e procedurave të tjera gjyqësore. Lidhur me rastin e njëjtë, si pjesë e procedurave administrative dhe hetimore, IPK ka rekomanduar Policisë së Kosovës edhe suspendimin e zyrtarit policor”, thuhet në njoftim.