Arrestohet një shtetas i huaj në Prishtinë, i gjendet botoks në vlerë 150 mijë euro

Një shtetas turk është arrestuar në Prishtinë për prodhim dhe shpërndarje të produkteve të dëmshme mjekësore.

Njësia për Hetimin e Krimeve Ekonomike dhe Korrupsionit ka gjetur tek ai botoks në vlerë rreth 150 mijë euro, përcjell albinfo.ch.

Po ashtu, i janë sekuestruar edhe 11.160 euro para në dorë. I dyshuari është dërguar në mbajtje.

“Njësia Rajonale për Hetimin e Krimeve Ekonomike dhe Korrupsionit në Prishtinë, pas sigurimit të provave, ka ndaluar një të dyshuar mashkull, shtetas turk, tek i cili është gjetur një sasi e materialit që përdoret në mjekësi (botoks). Gjatë kontrollit në shtëpinë e të dyshuarit është gjetur edhe një sasi tjetër e materialit të njëjtë, e cila është sekuestruar nga inspektorët e Ministrisë së Shëndetësisë. Vlera totale e materialit të sekuestruar, sipas çmimit në treg, sillet rreth 150.000 €”, thuhet në raportin 24-orësh të Policisë së Kosovës.