Arrihet kuorumi, Vjosa Osmani nuk zgjedhet Presidente në raundin e parë

Ka kaluar raundi i parë i votimit për zgjedhjen e Presidentit të Kosovës.

Në këtë raund kanë votuar gjithsej 81 deputetë, prej tyre 69 për dhe të 12 pavlefshme. Mirëpo, pavarësisht përmbushjes së kuorumit, Osmani nuk ka arritur të sigurojë 80 vota për, e rrjedhimisht të zgjedhet presidente në raundin e parë, raporton Albinfo.ch.

Kuvendi pritet të shkojë në raundin e dytë të votimit dhe nëse as në këtë raund Osmani nuk arrin të sigurojë 80 vota për, atëherë zhvillohet raundi i tretë, e ku mjaftojnë 61 vota për, si shumicë e thjeshtë për t’u zgjedhur President me mandat 5-vjeçar.