Arsenali ka gjetur zëvendësimin për Aron Remzi

Arsenal sezonin e ardhshëm nuk do të ketë më në formacion mesfushorin Aron Remzin, që do të luajë për Juventusin.

Gjithsesi, mediat britanike konfirmojnë se “Topçinjtë” kanë gati emrin e zëvendësuesit. Ai është mesfushori i Leicester, Xhejms Madison.

22-vjeçari konsiderohet si një talent në Premier Ligë, lojtar që është grumbulluar edhe me kombëtaren e “3 luanëve”. I ardhur verën e kaluar te skuadra e “dhelprave” për 20 milionë euro, Madison ka realizuar 7 gola në 31 ndeshje, duke tërhequr vëmendjen e skuadrave “big”, përfshirë edhe Arsenal, shkruan AlsatM, përcjell albinfo.ch.

Ai ka një kontratë deri në vitin 2023 me Lesterin. Gjithsesi, vlera e Madisonit thuajse është trefishuar gjatë një sezoni, ndaj Arsenal i duhet të hapë kuletën për të marrë lojtarin.

Për të evituar konkurrencën, Arsenal është gati të bëjë një sforco financiare, ndaj ka nisur menjëherë kontaktet me menaxherin e lojtarit, për ta mbyllur sa më shpejt marrëveshjen.