Video: Gabon Xhaka, vetëm barazim për Arsenalin

Ylli shqiptar ka bërë një gabim të rëndë dhe kjo i kushtoi skuadrës së tij

Gabimi i mesfushorit shqiptar, Granit Xhaka i ka kushtuar me gol skuadrës së tij, Arsenal.

“Topçinjtë” barazuan 1:1 me Burnleyn në xhiron e 27-të të Premier Leagues, përcjell albinfo.ch.

Pierre-Emerick Aubameyang kaloi Arsenalin në epërsi në minutën e 6-të, para se Granit Xhaka në minutën e 39-të të godiste me top Chris Wood dhe topi nga ai të përfundonte në rrjetën e Bernd Lenos.

Në tabelë, pas 27 ndeshjeve Arsenali është i dhjeti me vetëm 38 pikë. Burnley ka 30 pikë me 28 ndeshje të zhvilluara.

Me gabimin që bëri në ndeshjen ndaj Burnleyt, ai u bë futbollisti me më së shumti gabime që kanë kushtuar me gol, në pesë sezonet e fundit. Siç shkruan faqja e specializuar për statistika në futboll OPTA, që nga sezoni 2016-17, Xhaka ka bërë më së shumti gabime që kanë kushtuar me gol, tetë herë, në krahasim me cilindo lojtar tjetër të ligës kryesore në Angli.

“I’ve never seen anything like that in Premier League football.” 😳

Here’s how the Soccer Saturday panel reacted to Granit Xhaka’s nightmare at the back for Arsenal…👻 pic.twitter.com/lXOSPwoNEq

— Sky Sports Premier League (@SkySportsPL) March 6, 2021

---