Arsenali lëshoi nga duart fitoren, Xhaka i lumtur për një pikë

Skuadra e Arsenalit ka dështuar për të tretën herë radhazi të marrë pikë të plota.

‘Topçinjtë’ kanë barazuar 2-2 në udhëtim te Watford, ani pse ishin në avantazh prej dy golave.

Pjesa e parë i takoi tërësisht skuadrës së Unai Emery, me Pierre-Emerick Aubameyang (21’ 32’) që shënoi dy herë në portën e Foster.

Por, këto ishin momentet e vetme të mysafirëve, pasi në 45 minutëshin e dytë vendasit morën lojën në duar, e sidomos me ndihmën e mbrojtjes së Arsenalit, që vazhdojnë me paraqitjet e tyre të dobëta.

Fillimisht, pas një gabimi nga Sokratis, Tom Cleverley në minutën e 53-të ngushtoi rezultatin për 1-2, para se Roberto Pereyra të barazonte rezultatin nga penalltia.

Deri në fund, Watford pati rastet më të mira për shënim, por mungoi konkretizimi.

Pas pesë ndeshjeve, Arsenali tubon tetë pikë, kurse Watford vetëm dy.

Granit Xhaka luajti për 90 minuta në këtë duel dhe ishte kapiten i ‘Topçinjëve’.

Ai u vlerësua me notën 7.0.

Po ashtu Granit Xhaka në intervisten per Sky Sports Football ka thënë se “” Ne duhet të jemi të lumtur për të marrë një pikë…”

---