Artistët e Kosovës solidarizohen me ata të Shqipërisë kundër shembjes së Teatrit

Shembja e Teatrit Kombëtar në Tiranë, ku zgjuar reagime, jo vetëm në Shqipëri, por edhe në Kosovë

Shqipëria sonte është zgjuar me shembjen e Teatrit Kombëtar Shqiptar. Kjo zgjoi shumë reagime, ku kishte protesta dhe të arrestuar, përcjell albinfo.ch.

Shumë artistë kanë reaguar në trojet shqiptare lidhur me shembjen e Teatrit.

Në Prishtinë para Teatrit Kombëtar të Kosovës është organizuar një protestë, nga një grup i artistëve, në shenjë solidariteti me protestat në Tiranë.

Me thirrjet “Muret i shembët, por jo Teatrin”, “Unë jam Teatri”, të dielën para Teatrit Kombëtar në Prishtinë është organizuar aksion simbolik, ku dhjetëra qytetarë e artistë për më shumë se 10 minuta kanë qëndruar me pankartat në duar, duke respektuar distancën fizike, në shenjat e kuqe që janë bërë te sheshi “Skënderbeu”, në kryeqytet.

Ndërkohë, Teatri Kombëtar i Kosovës, Teatri i Gjilanit, Teatri “Hadi Shehu” – Gjakovë”, Teatri “Bekim Fehmiu” Prizren, Teatri “Adriana” – Ferizaj”, Teatri “Muharrem Qena” – Mitrovicë, Qendra Multimedia”, “Teatri Oda”, Teatri “Urban”, “Etno Teatri – Kukaj”, kanë anuluar shfaqjen “Skënderbeu ose dashuri dhe liri”, e cila ka qenë e planifikuar në kuadër të kalendarit online/livestream.

---