Artistet nga Kosova do të prezantojnë artin e tyre në Festivalin e Filmit në Bernë

Kjo ngjarje unike do të mbahet gjatë Festivalit të Filmit Kino Kosova më 11-15 shtator në Bernë

“Botët e njohura/të panjohura”, një ekspozitë arti që shfaq veprat vizionare të Blertës dhe Lumturies të krijuara gjatë qëndrimit të tyre në Bernë.

Kjo ngjarje unike do të mbahet gjatë Festivalit të Filmit Kino Kosova më 11-15 shtator në Bernë, duke ofruar një përzierje të krijimtarisë dhe eksplorimit kulturor, shkruan albinfo.ch.

Kjo ekspozitë është një përpjekje bashkëpunimi midis Kulturalink dhe Residency.ch, duke bashkuar këndvështrime të ndryshme artistike dhe duke nxitur shkëmbimin kulturor. Presim me padurim mundësinë për të përjetuar kryqëzimin e të njohurës dhe të panjohurës përmes syve të dy artistëve të talentuar.

Biografia

Blerta Hashani (majtas) nga Ferizaj, Kosovë, ka diplomuar në Akademinë e Arteve të Bukura në Prishtinë në vitin 2019. Aktualisht është në përfundim të masterit në programin e Specializimit në Pikturë në Akademinë e Arteve të Bukura në Prishtinë. Praktika e saj artistike përfshin mediumin e pikturës, vizatimit dhe fotografisë për të eksploruar më tej konceptet e misticizmit dhe simbolizmit. Puna e saj konsolidon dhe pasqyron rutinën, mjedisin që e rrethon dhe ndjesitë e zakonshme. Çdo impuls i marrë nga bota e jashtme vjen në një formë primordiale dhe transmetohet në punën e saj artistike, në mënyrë minimaliste. Estetikisht, veprat e Hashanit paraqesin harmoni, ekuilibër dhe një kërkim të thellë për të brendësuar të përditshmen në linja konceptuale. Në këtë proces, ajo përdor kërkime rudimentare për të shënuar atë që është instinktive dhe e kontrollueshme, ndërsa zbulon më tej natyrën shumështresore të simbolikes dhe sublimesë. Ajo jeton dhe punon në Ferizaj, Kosovë. Ajo përfaqësohet nga Galeria LambdaLambdaLambda.

Lumturie Krasniqi (djathtas) nga Prishtina, Kosovë, është një artiste pamore dhe punëtore kulturore. Në vitin 2019 ka përfunduar studimet bachelor për Pikturë në Fakultetin e Arteve të Universitetit të Prishtinës dhe aktualisht është në përfundim të studimeve master në të njëjtin program. Krasniqi kryesisht merret me pikturë, por gjithashtu eksploron fotografinë, instalimin, videon dhe artin dixhital. Në punën e saj, ajo thellohet në aspekte të anashkaluara shpesh në jetën bashkëkohore, duke synuar të ngrejë pyetje ekzistenciale. Qasja e saj artistike, e ndërthurur me lidhjet, ndarjet dhe ndërveprimin e të kundërtave, bashkon shpirtëroren dhe emocionalen, duke reflektuar mbi marrëdhëniet midis shpirtit dhe materies, frikës dhe dashurisë, njerëzimit dhe natyrës dhe lidhjeve njerëzore. Ajo luan me dualizmin dhe paradokset e natyrshme në këto kombinime.

Data: 11. – 15.09.2024
Vendi: Kino Kosova – PROGR

 

---