Asambleja Parlamentare e NATO-s nis punimet, Kosova në agjendë

EPA/STEPHANIE LECOCQ

Asambleja Parlamentare e NATO-s do të mblidhet në Sofje të Bullgarisë duke filluar nga sot, ku në agjendën e kësaj mbledhje, e cila do të zgjasë për tri ditë rresht, është edhe Kosova, përcjell albinfo.ch.

Kuvendi i Kosovës synon ta avancojë statusin e tij nga anëtar vëzhgues në anëtar të asociuar.

Sipas një njoftimi të Asamblesë Parlamentare të NATO-s, deputetët e saj mes tjerash do të vendosin për kërkesat e Maltës dhe Kuvendit të Kosovës.

Gjithashtu në takim do të trajtohen sfidat e vazhdueshme në Ballkanin Perëndimor, strategjitë për mbështetjen e partnerëve në rrezik dhe rritja e angazhimit me Jugun Global, thuhet në komunikatë.

Në punimet e Asamblesë do të marrin pjesë edhe deputeti Driton Hyseni dhe Xhavit Haliti, të cilët e përfaqësojnë Kosovën atje.