Asllani, Avdullahu dhe Hajdari festojnë me tifozët shqiptarë pas fitores ndaj Union Berlin

Pas fitores ndaj Union Berlin, yjet shqiptarë ndajnë festën me tifozët

Futbollistët shqiptarë, Fisnik Asllani, Leon Avdullahu dhe Albian Hajdari, festuan me tifozët shqiptarë pas fitores së skuadrës së tyre të klubit gjerman TSG Hoffenheim ndaj Union Berlin, shkruan albinfo.ch.

Pas përfundimit të ndeshjes, tre lojtarët iu afruan tribunave ku ndodheshin të rinjtë shqiptarë të pranishëm në stadium, duke ndarë gëzimin e fitores dhe duke krijuar një moment të veçantë me ta. Ky gjest u mirëprit nga tifozët, të cilët vazhdimisht shprehin mbështetje për futbollistët shqiptarë që po shkëlqejnë në arenën ndërkombëtare.

Paraqitjet dhe sukseset e tyre vazhdojnë të jenë burim krenarie për komunitetin shqiptar, duke dëshmuar potencialin dhe talentin që po afirmohet gjithnjë e më shumë në futbollin evropian.

---