Asllani i lumtur për golin dhe formën në skuadrën e Hoffenheimit

Fisnik Asllani ka lënë të kuptohet se është përshtatur shumë mirë në skuadër

Fisnik Asllani është i lumtur që është kthyer te goli dhe formën që po kalon në skuadrën gjermane.

“Është fitore e merituar, edhe me këtë diferencë golash. Ishim pak të pafat në pjesën e parë, por kemi shpërblyer veten në të dytën. ‘Ne’ është parësore në ekipin tonë. Kemi përvetësuar rutinat tona”, ka thënë Asllani, shkruan faqja zyrtare e Hoffenheimit.

Asllani ka lënë të kuptohet se është përshtatur shumë mirë në skuadër, transmeton albinfo.ch.

“Ndonjëherë e pasoj topin me sy mbyllur, pasi e di saktësisht se ku është dikush. Kur punët shkojnë mirë, natyrisht shumë gjëra janë më të lehta. Por duhet të punosh për këtë”, ka theksuar ylli shqiptar.

Albian Hajdari në mbrojtje dhe Leon Avdullahu në mesfushë janë pjesë e pandashme e formacionit startues te Hoffenheimi, njëjtë si te Kosova.

Goli i tij është lajm i mirë për tifozët e Kosovës, pak më shumë se një muaj para ndeshjes me Sllovakinë.

---