Atdhe Tasholli dhe grupi i tij “Raebels” fitojnë vendin e tretë në Gjermani

Në Hanover të Gjermanisë ditë më parë u mbajt festivali i grupeve të vallëzimit urban (Breakdance) të Gjermanisë „Battle of the year Germany“.

Në mesin e 16 grupeve gjermane, mori pjesë edhe grupi „Raebels” nga Aachen-i. Grupi, i cili përbëhet nga anëtarët Mert Gülbaz, Calvin Sahin, Sacha Fuchs, Simon Rnoldi, Luis Fast, Fabian St.Preux dhe Raegen Dikilu dhe Atdhe Tasholli. Djaloshi me prejardhje nga Kosova prej vitesh të tëra së bashku me grupin kultivon vallëzim urban.

Grupi “Raebels” është mjaft i njohur, ku kanë marrë pjesë në festivale dhe manifestime të ndryshme kulturore në Gjermani.

Ata janë edhe pjesë e një filmi gjerman “Realitet”.