Lajme
Austria do të paraqesë aktakuzë kundër spiunit turk
Austria do të paraqesë akuza kundër një personi, i cili ka rrëfyer se spiunoi për shërbimin sekret të Turqisë. Autoritetet po hetojnë më shumë aktivitete të dyshuara spiunazhi, tha ministri i saj i Brendshëm, duke paralajmëruar Turqinë se kjo nuk do të tolerohet, shkruan “Reuters”, përcjell albinfo.ch.
“Kjo ka të bëjë me një ushtrim ndikimi nga një fuqi e huaj në Austri dhe kjo në asnjë mënyrë nuk do të pranohet”, tha Karl Nehammer në një konferencë shtypi të martën.
Kishte indikacione të qarta të ndikimit turk në Austri, tha drejtori i përgjithshëm për sigurinë publike, Franz Ruf. Gjetjet e reja erdhën pas hetimeve të gjera nga policia austriake pas përplasjeve të dhunshme midis grupeve turke dhe kurde në Vjenë në qershor.
Austria ka zbuluar se më shumë se 30 austriakë u arrestuan në Turqi mes vitit 2018 dhe 2020 pas hyrjes në vend dhe ka indikacione që shërbimi sekret turk u përpoq t’i rekrutonte, tha ministri i Brendshëm.
“Spiunazhi turk nuk ka vend në Austri. Ne do të luftojmë kundër tij me forcë”, tha Nehammer, duke shtuar se Europol dhe Presidenca e Këshillit Evropian ishin informuar, përcjell tutje albinfo.ch.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës në këtë shtet Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut