Austria filloi ndërtimin e pengesave me Italinë

Austria ka nisur punën e ndërtimit të pengesave në kufirin me Italinë, në Brenner, e cila nëse është e nevojshme do të kufizojë hyrjen e emigrantëve.

Struktura është 250 metra e gjatë dhe do të përfshijë edhe autostradën. Kontrolli i kamionëve dhe makinave do të bëhet në parking në veri të kufirit.

Ditët në vijim do të fillojë punën në krijimin e një qendre për regjistrim të refugjatëve, transmeton albinfo.ch.

“Kontrollet kufitare mund të fillojnë në fund të majit”, tha Helmut Thomas, shef i policisë në provincën austriake të Tirolit.
Presidenti i Austrisë, Heinz Fischer, tha se Brenner do të ketë një mur të ri, por edhe një mekanizëm për menaxhimin e kufijve.