Austria heq të gjitha kontrollet kufitare, përveç me Italinë

Pas afro tre muajsh kufizimesh për shkak të pandemisë, Austria do të heq të gjitha kontrollet e kufijve tokësorë me shtetet fqinje, përveç Italisë.

Që nga dita e enjte, Austria nuk do të këtë kontrolle kufitare dhe shëndetësore me Gjermaninë,Lihtenshtajnin, Zvicrën, Sllovakinë, Slloveninë, Republikën Çeke dhe Hungarinë. Vetëm për Italinë, kufizimet mbeten ende për momentin, kështu ka thënë ministri austriak i Punëve të Jashtme, Alexander  Schallenberg në një konferencë për shtyp, shkruan oe24.at, përcjell Albinfo Austria.

Kontrollet kufitare me Italinë do të mbesin, ndërkohë një vlerësim tjetër është planifikuar për javën e ardhshme.

“ Italia është duke shkuar drejt stabilitetit. Qëllimi ynë është që të hapim kufirin edhe më Italinë, sapo shifrat e Covid -19 na bëjnë të mundur këtë”, ka thënë ai.

Për vendet fqinje përveç Italisë,  qytetarët nuk duhet të brengosen, sepse nuk ka karantinë ose kërkesa të testit kur hyni në Austri. E njëjta gjë pritet të merret në vendim edhe me shtet fqinje të Austrisë.

Austria kishte planifikuar që kontrollet kufitare me shtetet fqinje të bëhen me 15 qershor, por duket se rënia e numrit të infektuarve ka bërë që të merr këtë hap më herët që ishte planifikuar.

---