“Autokopteri” ose vetura që fluturon, një realitet i afërt!

Projekti “MyCopter” i financuar nga BE-ja me 4.3 milionë euro do të përmbyllet në fund të vitit 2014

Ajo që e kemi parë në vizionet futuristike ose në filmat fantastiko-shkencorë, për studiuesit nga universiteti ETH i Lozanës, ETH të Cyrihut, ata të institutit Max Planck të Tübingenit dhe Universitetit të Liverpulit, është tashmë pothuaj një realitet. Në kabinetet e këtyre institucioneve po punohet intensivisht për të prodhuar utomobilët që fluturojnë ose “autokopterët”.

“Për të shkarkuar rrugët, na duhet të kalojmë në dimensionin e tretë” thotë Jean-Christophe Zufferey nga Instituti për sisteme inteligjente i ETH të Lozanës.  

Këto makina do të duhej të bënin vetëm këtë gjë: të shndërrohen në helikopterë, me çka do t`i iknin tollovisë së automobilëve në kolonë dhe do të quheshin PAV (personal Aerial Vehicle”. Në institutin Max-Planck tashmë janë duke u testuar instrumentet e nevojshme në njërin ndër “simulatorët më të avancuar të lëvizjes në gjithë botën”.

“Ne jemi duke studiuar ecurinë që siguron nisjen e vetvetishme të makinës, që bën navigimin drejt cakut të dëshiruar dhe që mund të aterrojë”. Thotë Margarita Chli nga Instituti për Robotikë dhe sisteme inteligjente pranë ETH, Cyrih. Falë “autopilotit”, në një të ardhme do të jetë e mundur që ky automjet fluturues të vozitet edhe pa lejen e posaçme për pilotim.

Një objektiv më i largët do të ishte që një provim i thjeshtë fluturimi, ngjashëm me provimet e sotme të vozitjes, të mjaftojë për PAV”, thotë Chli.

Projekti “MyCopter” i financuar nga BE-ja me 4.3 milionë euro do të përmbyllet në fund të vitit 2014. Pas kësaj mund të paramendohet edhe bashkëpunimi me industrinë e automobilëve , në mënyrë që “mbase pas dhjetë vitesh” të konstruktohet një prototip, thotë Zufferei.

Ndërkaq, ligjet zvicerane që vlejnë aktualisht, mund të lënë në gjysmë ëndrrën e konstruktorëve të autokopterëve. Këto ligje parashohin që “helikopteri lejohet të niset dhe të aterrojë vetëm në hapësirat e aeroporteve”, ka thënë Danierö Göring nga Zyra Federale për fluturime civile.