“Babai i ri”, 90 vjeç!

Gjatë dy viteve të fundit në Zvicër janë regjistruar së paku 5 baballarë „të rinj" në moshën 80 e më shumë vjeçare

Pas nënës më të moshuar, e cila iu prezantua publikut javën e kaluar, tash Zvicra „ka fituar” edhe babanë më të shtyrë në moshë. Një plak 90 vjeç, qytetar i Zvicrës, siç shkruan gazeta „Sonntag” ka përjetuar së fundi kënaqësinë e vonuar të prindit.

Por, sipas gazetës, rasti i këtij „stërgjyshi” që deshi të bëhej baba nuk është aspak i vetmuar. Statistikat zvicerane kanë shënuar viteve të fundit një trend të paraqitjes së prindërve në moshë të shtyrë. Gjatë dy viteve të fundit janë regjistruar së paku 5 baballarë „të rinj” në moshën 80 e më shumë vjeçare. Prindërit në mes të moshës mbi 60 vjeçare janë shumë më të shpeshtë. Vetëm vitin e kaluar janë shënuar 143 raste të meshkujve që janë bërë prindër mbi lëtë moshë.

Psikologët dhe mjekët e shikojnë me skepticizëm këtë trend. Sipas tyre, bërja prind në një moshë të tillë është shprehje egoizmi e prindit. Kjo, për arsyen se ata me këtë veprim marrin rrezikun që fëmijët e tyre të vuajnë më shumë se mesatarja nga sëmundjet e trashëgueshme dhe që ata të mbeten jetimë më herët se fëmijët tjerë.