BAG: 1219 raste të reja dhe 62 të vdekur në 24 orët e fundit, në Zvicër

Mesatarja 7 ditore është 1026 raste. Kjo është 23 për qind më pak se në javën e kaluar. Trendi aktualisht është në rënie

Zyra Federale e Shëndetit Publik ka raportuar 1219 raste të reja pozitive me koronavirus, të regjistruara në 24 orët e fundit.

Mesatarja 7 ditore është 1026. Kjo është 23 për qind më pak se në javën e kaluar. Trendi aktualisht është në rënie.

Shkalla mesatare pozitive 7 ditore aktualisht është 4.7 për qind ose nga 100 teste, mesatarisht rreth 5 teste ishin pozitive. Krahasuar me javën e kaluar, norma pozitive është ulur me 1 pikë përqindje.

Numri i testeve në një mesatare 7-ditore është 27,235 teste në ditë, duke mbetur kështu i njëjtë në krahasim me javën e mëparshme.

BAG raporton 62 vdekje të reja. Mesatarja 7 ditore është 15 të vdekur në ditë. Kjo është 24 për qind më pak se në javën e kaluar.

Aktualisht BAG raporton 1018 persona të cilët janë duke u trajtuar në spitale për Covid-19. Kjo është 10 për qind më pak se në javën e kaluar. Shtretërit e kujdesit intensiv të certifikuar në spitalet zvicerane janë aktualisht 84 për qind të zëna, ndërsa përfshirë edhe shtretërit ad hoc, niveli i shfrytëzimit të tyre është 74 për qind.

---