Tematike
Ballkanasit e dikurshëm, myslimanë të sotëm
Perceptimi i islamit si pjesë e konfliktit ndërkombëtar dhe luftërave është bartur në mënyrë paushalle mbi myslimanët e Zvicrës
Në një shkrim të botuar sot, gazeta Tages Anzeiger merret me fenomenin e perceptimit të myslimanëve si rrezik për Zvicrën. Artikulli mbështetet në një studim që kanë realizuar studiuesit Patrik Ettinger dhe Kurt Imhof nga një institut studimesh në kuadrin e Universitetit të Cyrihut.
Migrantë myslimanë kanë ardhur në Zvicër që nga fillimi i viteve gjashtëdhjetë. Por, opinioni zviceran i ka perceptuar ata si turq ose si jugosllavë meqë religjioni asokohe nuk luante ndonjë rol. Por, kjo ka ndryshuar pas sulmeve terroriste të vitit 2001 në SHBA dhe sulmeve tjera në vijim. Teza e Huntingtonit mbi “përplasjen e civilizimeve” në mes të botës perëndimore dhe asaj islame në këtë sfond ka gjetur truallin e saj të përshtatshëm.
Dy studiuesit nga Cyrihu në studimin e prezantuar kanë hulumtuar mënyrën se si perceptohet pakica myslimane në Zvicër nisur nga raportimet e medieve, por edhe nga kërkesat dhe mocionet parlamentare, që bëhen rreth saj.
Ky perceptim i islamit si pjesë e konfliktit ndërkombëtar dhe luftërave, vazhdon studimi, është bartur në mënyrë paushalle mbi myslimanët e Zvicrës. Kështu, të huajt me besim islam janë perceptuar në mënyrë kolektive si myslimanë dhe si kërcënim për Zvicrën, me gjithë faktin se vetëm një pakicë e vogël e tyre kanë orientim fundamentalist. Ky këndvështrim për myslimanët, thuhet më tutje në studim, është nxitur para së gjithash nga SVP 8UDC).
Përmes pllakateve të ndryshme në fushatat për votime ose referendume, kjo parti ka vënë theksin gjithnjë më shumë në aspektin religjioz të të huajve. Kritikat nga partitë tjera nuk e kanë bindur SVP-në të reflektojë lidhur me këtë qëndrim të saj. E gjithë kjo ka bërë “që në komunikimin publik në Zvicër të krijohet një pakicë myslimane”, ka thënë njëri nga autorët e studimit, Ettinger.
Sipas tij edhe mediet kanë rolin e tyre negativ në krijimin e kësasj pasqyre. Ato gjithnjë më shpesh i cilësojnë myslimanët si njerëz “me potencial dhune” ose si “të paarsimuar”. Kjo vjen para së gjithash për faktin se mediet, sipas rregullit më shumë vend i japin pozicioneve dhe veprimeve provokative, thotë veç tjerash Ettinger, njëri nga autorët e studimit.
Studimi është realizuar në kuadrin e Programit Nacional Hulumtues “Bashkësitë fetare, shteti dhe shoqëria”.
E-Diaspora
-
Kurti sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
I akuzuari për tregti me drogë: “Jam eksploatuar nga bosi im në Shqipëri” Në Zvicër ai vuri re se paga mujore e premtuar prej 3000 frangash ishte qesharake, duke...
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in
-
Cili qytet në Zvicër ka më shumë gjasa të presë Eurovision 2025?