Balotazhi në Maqedoninë e Veriut: Mbi 1 milion votues të regjistruar

Në Qytetin e Shkupit, 474,394 votues kanë të drejtë vote

Shumica e votuesve të regjistruar në listën zgjedhore kanë të drejtë që përsëri t’u drejtohen kutive të votimit në rrethin e dytë të zgjedhjeve lokale në Maqedoninë e Veriut, për të zgjedhur kreun e komunës së tyre.

Të drejtën e votës në rrethin e dytë e kanë 1,013,357 votues nga mbi 1.8 milion votues sa janë të regjistruar në listë, shkruan Alsat, transmeton albinfo.ch.

Në Qytetin e Shkupit, 474,394 votues kanë të drejtë vote.

Zgjedhjet lokale do të monitorohen nga 1,569 vëzhgues, nga të cilët 904 janë vendas dhe 651 janë ndërkombëtarë. Monitoruesit kanë të drejtë të vëzhgojnë punën e KSHZ-së, Këshillave Komunale Zgjedhore dhe këshillave zgjedhor në vendvotime, duke shënuar gjetjet e tyre por pa penguar punën e organeve zgjedhore.

Të drejtë të ndjekin procesin pa e penguar atë kanë edhe të gjitha mediat vendase pa pasur nevojë për leje plotësuese, pore dhe dhjetëra gazetarë të huaj të cilët janë akredituar paraprakisht në KSHZ.

---