Basha: Vendimi për të zgjedhur kryeprokurorin e ri do të ketë pasoja

“Kushtetuta është e të gjithë qytetarëve dhe të gjithë e kanë për detyrë ta mbrojnë. Parlamenti nuk është ai që e pat dje me një shumicë të marrë peng nga krimi dhe bandat e drogës!

Kryetari i PD-së, Lulzim Basha, një ditë pas protestës të së hënës ka paralajmëruar protesta të reja, duke thënë se ato janë reagim kundër puçit kushtetues të Edi Ramës.

“Kushtetuta është e të gjithë qytetarëve dhe të gjithë e kanë për detyrë ta mbrojnë. Parlamenti nuk është ai që e pat dje me një shumicë të marrë peng nga krimi dhe bandat e drogës! Parlamenti është Kushtetuta, janë ligjet dhe jo kartonët e shumicës”, ka deklaruar Basha në një konferencë për media.

Ai shtoi se vendimi i shumicës për të zgjedhur kryeprokurorin e ri do të ketë pasoja të rënda për stabilitetin e vendit.