Basketboll, Shqipëria mundet nga Zvicra

Kombëtarja shqiptare e basketbollit e ka nisur me humbje aventurën e saj në eleminatoret e Europianit, “Slloveni 2013”.

Përfaqësuesja e Shqipërisë është mundur nga përfaqësuesja zvicerane me rezultatin 56-71 në pallatin e sportit “Asllan Rusi”, në Tiranë.

Ndeshja është dominuar e gjitha nga skuadra zvicerane.

Shënuesi më i mirë për kombëtaren shqiptare ishte Ersid Luca me 12 pikë, ndërsa për përfaqësuesen zvicerane ishte Dushan Mlladjan me 24 pikë.

Ndeshja tjetër për përfaqësuesen e Shqipërisë do të luhet ditën e premte kundër Finlandës. Edhe në këtë ndeshje favoritë janë finlandezët.

Skuadra e Shqipërisë do të përballet më pas më 24 gusht me Polonin në Tiranë, dhe më 27 gusht me Belgjikën. Shanset për kualifikim për kuqezinjtë janë të vogla.

Sipas medieve të Tiranës, Basketbolli ka prej vitesh që lëngon, për shkak të investimeve të dobëta.

Zviceranët kanë bërë përparime dhe arritje të mëdha në lojën e grupit të tyre, duke pasur progres të vazhdueshëm. Kombëtarja e Zvicrës do të përballet me 18 gusht me polakët, ndërsa më 21 gusht me belgët.

Kombëtarja e Zvicrës bën pjesë në grupin E së bashku me Shqipërinë, Belgjikën, Poloninë dhe Finlandën.

Shqipëri-Zvicër    51-76(10-20, 17-19, 15-22, 9-15)