“Baushtellë: Balkan Temple”, projekt ndërmjet Prishtinës, Beogradit dhe Cyrihut

Prishtina, Cyrihu dhe Beogradi do të bëhen gati gjatë këtij viti për ta pritur një projekt të madh artistik

“Baushtellë: Balkan Temple”, pritet të jetë projekti i cili do përfshijë dhjetë artistë nga secili qytet të cilët më pas do të krijojnë punime nga mediume të ndryshme artistike bazuar në temën e projektit “N’çka beson ti?”.

Projekti në fjalë është prezantuar të premten mbrëma në në Prishtinë.

 Sic raporton kultplus në projektin “Baushtellë: Balkan Temple” pritet të përfshihen: koncerte, ekspozita, diskutime të ndryshme me pjesëmarrës si artistë, teolog, shkencëtarë, profesorë e shumë aktivitete tjera.

Udhëheqës i këtij projekti është muzikanti Tobias Bienz, ndërkohë, ai do të jetë i ndihmuar edhe nga bashkudhëheqësit Rina Kika, Dragan Simeunovic, Sandra Tomic dhe Arbër Salihu.
Të interesuarit që duan të bëhen pjesë e “Baushtellë: Balkan Temple” mund të aplikojnë nga data 23 janar 2015 deri më 16 mars 2015 përmes web faqes së projektit www.baushtelle.org.

 Performanca e këtij projekti, do të shfaqet së pari në Prishtinë, më 5 shtator 2015, pastaj në Beograd, më 12 shtator dhe do të përmbyllet në Cyrih më datë 19 shtator të këtij viti.

www.baushtelle.org