Bazel: Lokalet ofrojnë tualetin edhe pa konsumuar asgjë

Në projektin "Nette Toilette", Bazeli prinë shumë përpara në krahasim me Bernën e cila ka 19 tualete të tilla dhe Lucernin që ka 13

Që nga fillimi i muajit maj, në 31 lokale dhe shitore në Bazel, mund të përdoren edhe tualetet e tyre, pa konsumuar gjë. Me këtë, ky qytet është lider i të gjithë qyteteve.

Tani, 31 lokale kanë hapur tualetet e tyre pa konsumuar gjë. Sipas autoriteteve përkatëse turistike, pajisjet sanitare në qytet do të vendosen për shërbim falas në qendër të qytetit. Në këmbim të kësaj, pronarët e lokaleve të cilët në hyrje të lokalit vendosin shenja përkatëse për tualetet e tyre, fitojnë kompensim prej 2.500 frangave në vit.

Ai i cili ka nevojë të shkojë në tualet, patjetër të shkojë, shkruan “20 Minuten”, përcjell Albinfo.ch.

Sepse, në publik nuk është gjithnjë edhe aq thjeshtë të gjendet vendi përkatës. Në shumicën e lokaleve ende vazhdon obligimi i konsumimit për të përdorur tualetin e lokalit, ndërsa kryerja e nevojës në vende publike është e dënueshme dhe parashihet gjobë prej 50 frangash.

Për të plotësuar ofertën e qytetit për 85 tualete publike, lokalet janë obliguar që tualetet t’i vënë në shërbim pa pagesë.

Në projektin “Nette Toilette”, Bazeli prinë shumë përpara në krahasim me Bernën e cila ka 19 tualete të tilla dhe Lucernin që ka 13.

Mbetet të shihet nëse edhe qytetet tjerë do të shkojnë pas hapave të Bazelit.