BE përditëson listën Covid të udhëtimeve

(KEYSTONE/Salvatore Di Nolfi)

Bashkimi Evropian e ka përditësuar listën e shteteve të treta, të cilat do të lejohen të udhëtojnë pa arsye specifike drejt unionit, ku bie në sy fakti se Shqipëria sërish nuk është përfshirë ndër vendet që përfitojnë nga vendimi.

Janë 18, vendet e përfshira në përditësim.

Ndër to, asnjë nuk është pjesë e kontinentit evropian! Shumica e shteteve janë në Azi dhe Amerikën e Jugut, transmeton AP, përcjell Albinfo.ch.

Pjesë e listës janë Argjentina, Australia, Bahreini, Kanadaja, Kili, Jordania, Zelanda e Re, Katari, Arabia Saudite, Emiratet e Bashkuara Arabe, Koreja e Jugut apo Kina.

Kjo e fundit gjithsesi, mbetet ende peng i reciprocitetit. Vetëm nëse Pekini zyrtar pranon certifikatat evropiane, mund të përfitojë nga hyrja lirisht në BE.

Lehtësimet priten edhe për disa vende të tjera, po për shqiptarët nuk ka diskutime ende.