Behrami si kapiten, do të vazhdojë me Udinesen

Udinese dëshiron që të vazhdojë bashkëpunimin deri në vitin 2021

Mesfushori shqiptar, Valon Behrami, njihet si një futbollist luftarak i madh në fushë.

Ai në këtë edicion është bërë kapiten i Udineses, dhe deri më tani tifozët janë të ndarë shumë me paraqitjen e tij, shkruan albinfo.ch.

Mediat italiane raportojnë se Udinese dëshiron të vazhdojë me Behramin, kontrata e të cilit përfundon në verën e ardhshme.

Gjithnjë sipas mediave italiane, ai do të ishte pjesë e Udineses deri në vitin 2021, dhe nga kjo do të mbeteshin të kënaqura të dy palët.

Tashmë Behrami është tërhequr nga Përfaqësuesja e Zvicrës.

Valon Behrami ka një karrierë të pasur pasi ka luajtur për klube të njohura si Napoli, Fiorentina, Lazio, Hamburg, West Ham, Genoa e Verona.

---