Belgjikë: Padi kundër autoriteteve për ndotje të ajrit

Keystone (AP Photo/Francisco Seco)

Më shumë banorë në gjithë Belgjikën po ndërmarrin veprime ligjore kundër qeverive të tyre rajonale, duke kërkuar të ruajnë të drejtën e tyre për të marrë ajër të pastër dhe të shëndetshëm, njoftoi sot organizata jofitimprurëse “Client Earth”.

Organizata është aktive në 50 vende dhe fokusohet në sfidat më urgjente mjedisore me rëndësi themelore.

Veprimi ligjor vjen vetëm disa javë pasi shtatë qytetarë filluan një rast të ngjashëm në Gjermani dhe vetëm disa ditë përpara se Komisioni Evropian të publikojë propozimin e tij për të rishikuar ligjin kryesor të BE-së për cilësinë e ajrit, Direktivën e Cilësisë së Ajrit, e cila përcakton kufijtë e cilësisë së ajrit për të gjitha 27 shtetet anëtare.

Qëllimi i këtyre padive është që gjykatat belge të njohin të drejtën e njerëzve për ajër të pastër dhe të shëndetshëm.

Ashtu si Gjermania, autoritetet belge nuk kanë ndërmarrë veprime pasi Organizata Botërore e Shëndetësisë (OBSH) uli kufijtë e rekomanduar në udhëzimet e saj të cilësisë së ajrit vitin e kaluar me 75 për qind në disa raste.

Duke i lënë të pandryshuara ligjet për ndotjen e ajrit, autoritetet belge po i ekspozojnë njerëzit ndaj niveleve të ndotjes së ajrit deri në katër herë më të larta se sa shkencëtarët e kanë konsideruar të pranueshme për të marrë frymë, tha organizata në një deklaratë./Euronews