“Belstaff”, me koleksion të ri gjithëpërfshirës

Shtëpia e modës “Belstaff” u është kthyer rrënjëve të veta britanike gjatë prezantimit të koleksionit të fundit Made in UK, në ditën e fundit të javës së modës në Londër për burra.

Prezantimi dygjinor i koleksionit vjeshtë-dimër, pa koleksion të ri të xhaketave për burra nga pambuku e lëkura, për çka më së shumti njihet ky brend. Modelët po ashtu prezantuan edhe lloje të tjera të xhaketave.

Një përzgjedhje e xhaketave të quajtura Trialmaster nga arkivi i brendit, po ashtu janë prezantuar për të shënuar kështu 70-vjetorin e ekzistimit të tyre. Rrobat në fillim ishin krijuar për të mbrojtur njerëzit nga kushtet ekstreme të motit.  Delphine Ninous, drejtoreshë krijuese e brendit që nga viti 2016, ka thënë se ajo donte të krijonte rroba të brendit për të gjitha stinët, përcjell albinfo.ch.

E themeluar në vitin 1924 në Angli, “Belstaff” tashmë ka klientë të llojllojshëm për xhaketat e tyre, derisa ka krijuar rroba edhe për personalitete të njohura, si piloten britanike, Amy Johnson. Che Guevara po ashtu ishte adhurues i xhaketave të këtij brendi, e së fundi ylli i futbollit David Beckham është emëruar promotor i brendit.