Sport

Berisha e Roshi në superformë, kualifikojnë ekipin Akhmat Grozny

Lojtari i Kosovës, Bernard Berisha dhe ai i Shqipërisë, Odise Roshi, me golat e tyre të shënuara pas ekzekutimit të penalltive, i kanë siguruar Akhmat Grozny  kualifikimin në të tetën e finales së Kupës së Rusisë.

Bernard Berisha shënoi golin e avantazhit për ekipin (76’) gjatë kohës së rregullt, por pastaj vendasit Khabarovske  barazuan në 1-1 për të çuar ndeshjen në vazhdime. E pas vazhdimeve, ku u shënuan edhe dy gola të tjerë për përfundimtaren e 120 minutave 2-2, ndeshja shkoi në penallti.

Bernard i shutoi dhe shënoi penalltinë e parë të ekipit, ndërsa Roshi përmbylli dilemat e kualifikimit, duke qëlluar penalltinë e pestë për përfundimtaren 2-2 (2-4, pas penalltive) në të mirë të ekipit nga Grozni.