Berisha, i kënaqur te Lazio

Gardiani i lindur në Prishtinë i është përkushtuar tërësisht aventurës me Lazion pas evropianit, duke zgjedhur të udhëtojë me ekipin drejt lokalitetit malor, Auronzo di Cadore

Ka hequr dorë nga pushimet për të mos humbur kontaktin me lojën. Etrit Berisha është portieri që ka marrë vendimin për të luajtur një rol protagonisti në portën e Lazios, shkruan albinfo.ch.

Ky është viti i fundit në kontratë me skuadrën romane dhe gjithashtu mundësia e fundit që ai të tregojë se meriton t’i jepet mundësia për të veshur dorezat e titullarit.

Gardiani i lindur në Prishtinë i është përkushtuar tërësisht aventurës me Lazion pas evropianit, duke zgjedhur të udhëtojë me ekipin drejt lokalitetit malor, Auronzo di Cadore.

Në dy miqësoret e zhvilluara, Berisha është aktivizuar që nga minuta e parë, por ai e di shumë mirë se këto janë ditë vendimtare për të ardhmen e tij. Nëpërmjet një postimi në rrjetin social “Instagram”, ai shprehet i kënaqur me fazën përgatitore, duke theksuar se skuadra duhet të shikojë përpara. Një lider i vërtetë Berisha për Lazion ku tashmë Simone Inzaghi duhet të marrë një vendim përfundimtar për fatin e portës bardhekaltër, në të kundërt, Berisha është gati të nisë një aventurë të re larg kryeqytetit, pasi ofertat në adresë të tij nuk mungojnë.