Berna autorizon manifestimin islamik

Mediat zvicerane kanë shënuar mëngjesin e të martës me një serë titujsh alarmues, ku pohohet se edhe Zvicra po bëhet vend ku kundërshtarët e SHBA-së po veprojnë. E përditshmja “Le Matin” thotë se Zvicra është në prag për t’u bërë një fuqi baruti. Pas Parisit, Londrës dhe Anversi-it, manifestimi i ardhshëm për të shprehur zemërimin në Evropë kundër filmit amerikan që ndezi botën arabo-myslimane do të mbahet të shtunën edhe në Bernë.

“Për Pejgamberin tonë Muhamet dhe mbrojtjen e ndjenjave fetare”, shkruhet në fletushkën zyrtare të manifestimit, të cilën e kanë vulosur Këshilli Qendror Islamik i Zvicrës (KQIZ) si dhe dy organizata të tjera myslimane. “Unë nuk jam pjesë e komitetit organizues”, paralajmëron menjëherë Nicolas Blancho, president i KQIZ-së, “por unë mendoj se kjo është një arsye emirë”.

I pyetur nga “Le Matin” nëse mund të arsyetohen apo të sakrifikohen viktimat e këtyre ngjarjeve, të cilat janë në rritje çdo ditë që nga sulmi i ambasadës së SHBA-së në Bengazi të martën e kaluar për një arsye të mirë, Nicholas Blancho tha: “Jo, kjo ishte një rrugë e keqe për të shprehur zemërimin. KQIZ-ja ka dënuar dhunën gjithmonë. Por ne duhet të kuptojmë se ky lloj i propagandës islamofobe prek ndjenjat fetare të myslimanëve”.

Edhe pse Nichola Blancho thotë se flet në emër të myslimanëve në Zvicër, ai prapëseprapë nuk është i mbështetur nga shoqatat kryesore islame të vendit. “Ne kemi nevojë për dialog, e jo për protesta”, thotë iraniania Farhad Afshar, presidente për Koordinimin e Organizatave Islame në Zvicër. Ndërsa kolegu i saj i Federatës së Organizatave Islame (HERE), Hisham Maizar, tashmë ka shprehur publikisht distancimin e tij me këtë eveniment.

Lexoni gjithashtu: