Bërnjak: Arrestohet një serb nën dyshimet për krime lufte në Gjakovë

Prokuroria Speciale dhe Policia e Kosovës kanë njoftuar se sot, në pikën kufitare të Republikës së Kosovës me Serbinë, konkretisht në Bërnjak, është ndaluar një person me inicialet J.Š.

Sipas njoftimit, i njëjti dyshohet se gjatë viteve 1998 – 1999, në komunën e Gjakovës ka kryer veprën penale “Krime lufte kundër popullatës civile”, transmeton albinfo.ch.

Me aktvendim të Prokurorisë Speciale, i dyshuari është ndaluar për 48 orë, dhe brenda afateve kohore ligjore ndaj të njëjtit kjo prokurori do të bëjë kërkesë për caktimin e masës së paraburgimit.