“BESA“ reagon ndaj deklaratave të Zaevit për Kosovën

Ndaj deklarimeve të liderit opozitar maqedonas, Zoran Zaev, ka reaguar nënkryetari i Lëvizjes BESA, Zeqirija Ibrahimi.

Zaev e  ka cilësuar votën pro të Maqedonisë për Kosovën në UNESCO si të kotë dhe që ka ndikuar në prishjen e miqësinë me Sërbinë.

Zeqirja Ibrahimi  ka thënë se Zaev po bën kalkulime të gabuara.

“Një gjë duhet ta dinë të gjithë politikanët maqedonas të Maqedonisë: nëse ata kanë rezerva ndaj kërkesave të Republikës së Kosovës, kjo nënkupton se edhe Kosova dhe shqiptarët e Maqedonisë do të kenë rezerva ndaj tyre. Lëvizja BESA është për një Maqedoni të kthyer kah Kosova dhe Shqipëria, ndërsa secili që mendon se tek ne do të gjejë politikanë si Ali Ahmeti, që e lejojnë aleancën e vëllazërinë me Serbinë në dëm të shqiptarëve dhe në dëm të Kosovës, Duhet ta dinë se i ka kalkulimet e gabuara. Këtë nuk do t’ia dëshiroja askujt në Maqedoni”, ka deklaruar nënkryetari i Lëvizjes BESA, Zeqirija Ibrahimi për portalin Sakte.net, përcjell albinfo.ch

Përndryshe, Zaev me deklarimet e tij të fundit ka kërkuar përmirësim të marrëdhënieve Serbi-Maqedoni.

“Marrëdhëniet e Serbisë dhe Maqedonisë patjetër të përmirësohen, ashtu si edhe marrëdhëniet me shtetet fqinje tjera”, ka thënë ndër të tjera ai.