Lajme

Bezos është amerikani më i pasur për të tretin vjet rresht

E martë, 8 Shtator 2020 - 22:55 albinfo.ch

Keystone (AP Photo/John Locher)

Drejtori ekzekutiv i “Amazon”-it, Jeff Bezos ka dalë në krye të listës së amerikanëve më të pasur për të tretin vjet rresht, përderisa pasuria e presidentit të SHBA-së, Donald Trump është tkurrur si pasojë e pandemisë, është bërë e ditur të martën nga revista “Forbes”.

Pasuria e përgjithshme në listën e “Forbes”-it ka shënuar një rritje rekorde prej 3.2 biliardë dollarësh, teksa amerikanët e pasur kanë vazhduar t’i kenë punët mirë, ani pse pandemia e ka dërrmuar ekonominë, që ka 11 milionë vende pune më pak, krahasuar me shkurtin.

Trumpi ka shënuar rënie në listë, teksa pasuria e tij neto ka rënë nga 3.1 miliardë dollarë në 2.5 miliardë, shkaku që bizneset e tij kanë pësuar gjatë pandemisë.