Bie numri i të papunëve në Zvicër

Shkalla e papunësisë ka shënuar rënie në Zvicër gjatë muajit mars prej 3.6 në 3.4 për qind.

Në mars të vitit të kaluar shkalla e papunësisë kishte arritur në 4.2 për qind, njoftoi të premten Sekretariati Shtetëror për Çështje Ekonomike (SECO).

Në përgjithësi, në fund të marsit të këtij viti, nga 134.905 persona të prekur nga papunësia, tashmë janë 8420 më pak se muajin e kaluar.

Krahasuar me vitin e kaluar papunësia shënoi rënie me 31.127 persona më pak, që është një rënie prej 18,7 për qind brenda një viti, ka raportuar SECO.

Gjithashtu gjatë marsit të këtij viti një total prej 1955 të rinjsh ishin më pak të prekur nga papunësia se gjatë shkurtit.

Në atë kohë ishin 21.280 të rinj të papunë. Kjo paraqet një rënie prej 9,2 për qind brenda një muaji. Krahasuar me muajin mars 2010, papunësia e të rinjve ka shënuar rënie prej 27.8 për qind.