Shqiperia
Bien kërkesat e shqiptarëve për azil në vendet e BE-së
Deri në muajin maj nga Shqipëria janë regjistruar 395 kërkesa për azil.
Kërkesat për azil për vitin 2023 kanë rënë ndjeshëm. Në katër muajt e parë të këtij viti, Bashkimi Europian regjistroi 3.400 kërkesa, 12% më pak krahasuar me një vit më parë. Rënia është vënë re që në fillim të vitit. Në janar kanë qenë 925 kërkesa, e ndërsa në muajin prill është ulur numri i tyre në 720.
Shtetasit shqiptarë vendin kryesor kanë Francën, që renditet e para me 40%. Gjermania është e dyta me 22%, pasuar nga Greqia dhe Italia. Megjithatë shifrat e Gjermanisë nuk janë treguese, pasi ka dhe nga ata shtetas që udhëtojnë pasi kanë një kontratë pune.
Shqiptarët, në maj, sipas të dhënave të BE-së, kanë pasur 395 kërkesa për azil, transmeton euronews, përcjell albinfo.ch.
Krahasuar me një vit më parë sipas të dhënave të Eurostat vendet e Bashkimit Europian pa Mbretërinë e Bashkuar, në total kishte 13.2 mijë aplikime për azil në një nga vendet e Bashkimit Europian, niveli më i lartë që nga 2020-a. Në krahasim me një vit më parë, aplikimet për azil u rritën me 16%.
Sa i takon Mbretërisë së Bashkuar, të dhënat nga Zyra e Statistikave të Emigracionit tregojnë se shifrat janë shumë herë më të larta. 15.925 qytetarë shqiptarë, kanë aplikuar për azil, shifër rekord sa i takon këtij vendi.
Ndërkohë nga të dhënat e 2023, 72 630 aplikuan për mbrojtje ndërkombëtare në vendet e BE-së. Krahasuar me prillin 2022 (54 350), kjo përfaqëson një rritje prej 34%. Kishte gjithashtu 5 310 aplikantë të përsëritur, një rënie prej 5 % krahasuar me prillin 2022 (5 610).
Sirianët ishin grupi më i madh i njerëzve, që kërkonin azil (9 420 aplikantë për herë të parë). Ata u pasuan nga afganët (7 405), venezuelianët (5 785), kolumbianët (4 770) dhe turqit (4 640).
Të tjera nga Shqiperia
E-Diaspora
-
Shqipëria, pjesë e paradës së karnavaleve në Berlin Bëhet e ditur se edhe Shqipëria do të jetë pjesë e paradës së karnavaleve në Berlin,...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
Jeta në Zvicër
-
Alain Berset kaloi një javë pune të frytshme në Shqipëri Berset paraqiti kandidaturën për postin e Sekretarit të Përgjithshëm të Këshillit të Europës, Zvicra e mbështet...
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”