Bill Klinton në Tiranë, më 4 korrik

Bill Clinton, FB

Ish-presidenti i Shteteve të Bashkuara të Amerikës, Bill Klinton, do të vizitojë për herë të parë Shqipërinë në ditën e pavarësisë së Shteteve të Bashkuara të Amerikës.

Siç bëjnë të ditur mediat në Shqipëri, Klinton mbërrin në Tiranë më 3 korrik, përcjell albinfo.ch.

Burime qeveritare i thonë Top Channel se Klinton shkon në Shqipëri me ftesë të kryeministrit Edi Rama, për t’i shprehur falënderimin nga ai dhe SHBA-së për atë çfarë bënë për Shqipërinë, Kosovën dhe rajonin.

Bill Klinton gjatë mandatit të tij si president ndikoi në miratimin dhe realizimin e vendimeve të OKB-së për ndërhyrjen e NATO-s në Luftën e Kosovës në vitin 1999, përcjell albinfo.ch.