Lifestyle

Billboard shkruan për Ava Max: Vajza e dy emigrantëve shqiptarë

 

Një tjetër yll shqiptar që po pushton top listat muzikore në Amerikë është edhe Ava Max.

24-vjeçarja që po krahasohet me Lady Gaga-n, tashmë po radhitet në mesin e këngëtareve që po premton shumë në botën e muzikës.

Madje, me këngën e saj të re “Sweet but Psycho” ajo është radhitur në vendin e dytë në Billboard Dance Club, ku të njëjtit kanë bërë edhe një shkrim për Avan, duke treguar edhe prejardhjen e saj shqiptare dhe fillimin e karrierës së saj muzikore.

“Vajza e dy emigrantëve shqiptarë Ava Max e lindur si (Amanda Ava Koci), ka praktikuar gjuhën angleze duke kënduar këngën  “Vision of Love” të Mariah Carey-t, si pesëvjeçare, duke shkuar në shkollë. Në moshën 14-vjeçare ajo nisi të fitonte kompeticione duke impresionuar të gjithë, përfshirë edhe nënën e saj, një këngëtare e trajnuar për opera, e cila besonte në talentin e saj dhe që një ditë do të ndodhë diçka e madhe. “Nëna ime më ka thënë: ‘Nuk ka asgjë për ty këtu’, dhe kështu familja e saj u shpërngulën në Los Angeles”, nis shkrimi i Billboard për yllin e ri shqiptar, shkruan kultplus, përcjell albinfo.ch.

Por, jeta e saj ndryshoi në tre vjetët e fundit, kur ajo këndoi ‘’Happy birthday”, në një ditëlindje, ku i pranishëm ishte producenti i njohur Cirkut, i cili bashkëpunon me Miley Cyrus dhe Katy Perry.

Por, viti 2019 i dha famën për të cilën luftoi, ajo tashmë ka famë dhe po vazhdon drejt rrugës së Rita Orës, Dua Lipës e Bebe Rexhës.