Biznesmenët e diasporës takohen në Prishtinë

Foto: MDIS

Gjatë ditës së djeshme janë mbajtuar takimet tradicionale me investitorë nga diaspora, në kuadër të manifestimit “Ditët e Diasporës”, përcjell albinfo.ch.

Sipas njoftimit të Ministrisë së Diasporës, në këtë takim përveç investitorëve nga Diaspora, të pranishëm ishin edhe përfaqësues të institucioneve kyçe për investimet, si Ministria e Tregtisë dhe Industrisë, ATK, dhe Doganat e Kosovës.

“Zv.ministri i Diasporës, Afrim Bekteshi, duke theksuar sfidat e investiorëve, ka thënë se po bëhet shumë punë që atyre tu krijohet ambnient i sigurt dhe lehtësira për investim. Ndërsa Shqipe Krasniqi, drejtoreshë e Departamentit për Hulumtim dhe Përkrahje të Bizneseve të Diasporës, tha se ky takim, dhe shumë të tillë që janë organizuar nga MDIS-i, kanë për qëllim inkurajimin e investitorëve”, thuhet në njoftimin e tyre.

Ndërkaq, investitorët kanë shprehur problemet dhe sfidat kryesore në të cilat ata hasin për një biznes.

“Megjithatë, ata kanë vlerësuar lartë mbështetjen që po u jep Ministria e Diasporës, dhe platformën online e hartuar nga kjo ministri DIKOS, që është një platformë që mundëson lidhjen dhe bashkëpunimin e biznesve nën mbikqyrjen e Ministrisë së Diasporës dhe Investimeve Strategjike”, thuhet në njoftimin e MDIS-it.