Bletët si njerëzit

Bletët janë sikur njerëzit.

Shkencëtarët në Australi kanë gjetur se disa bletë kanë preferencë të fluturojnë në krahun e djathtë apo të majtë kur përballen me një pengesë në rrugën e tyre.

“Ne besojmë se kjo veçanti u ndihmon atyre të kenë efikasitet më të mirë në fluturim”, ka thënë Mandyam Srinivasan, një nga autorët e studimit, shkruan “PLOS One”, transmeton Albinfo.ch.

Hulumtuesit kanë monitoruar 102 rrugë për të mësuar më mirë zgjedhjet e tyre të fluturimit dhe sjelljet. Ata i ngjyrosën krahët e tyre me ngjyrë dalluese nga njëra-tjetra për t’i dalluar më lehtë.

Në studim, shkencëtarët detyruan bletët të fluturojnë në një tunel të gjatë 47-inç, ndërsa në mes patën dy materiale që u pengonin në ecje atyre.

Sipas hulumtuesve, 80 për qind e bletëve kaluan nëpër vrimën e madhe që ishte në qendër, sa i përket pengesës së parë. Ndërsa në pengesën e dytë ishin dy vrima me madhësi të njëjta, 55 për qind e bletëve nuk treguan preferencë për cilën anë të shkojnë, ndërsa 45 për qindëshi tjetër u ndanë – gjysma që donte të shkonte djathtas dhe gjysma që preferonte anën e majtë.

Kjo u vërejt duke parë shpejtësinë me të cilën ato kaluan pengesë. Sipas hulumtuesve, bletët që donin vetëm krahun e majtë u vonuan më gjatë për të arritur vrimën që ishte në anën e majtë, ndërsa e njëjta vlente edhe për bletët që preferojnë fluturimin në krah të djathtë.