“Blick”: Kundër Serbisë na duhen 11 Behrama

Gazeta zvicerane ka shkuar edhe më tej, duke ndryshuar pamjet e futbollistëve dhe duke i bërë të gjithë sikur Behrami, që nga portieri e deri tel sulmuesi

Keystone

E përditshmja e madhe zvicerane ‘Blick’ vazhdon të lavdërojë paraqitjen e yllit shqiptar, Valon Behrami ndaj Brazilit. Ai ishte një luftëtar i vërtetë, andaj si ai duhen 11 futbollistë në fushë, shkruan e përditshmja zvicerane, përcjell albinfo.ch.

“Çka nëse serbët provokojnë? Bëhu si Behrami dhe ec duke buzëqeshur? Nëse na bëjnë presion? Bëhu si Behrami dhe duro”, ka shkruar “Blick”.

Gazeta zvicerane ka shkuar edhe më tej, duke ndryshuar pamjet e futbollistëve dhe duke i bërë të gjithë sikur Behrami, që nga portieri e deri tel sulmuesi. Madje, edhe Xhaka, Shaqiri e Xhemaili duken mjaft interesant si Behrami.

“Ky është stili im i lojës. Dhe e bëj me kënaqësi. Ndoshta do të jetë Botërori im i fundit dhe po e shijoj çdo sekondë”, është shprehur mesfushori shqiptar.

Behrami zhvilloi një ndeshje të jashtëzakonshme ndaj Brazilit, duke ndalur Neymarin, dhe për këtë ‘Blick’ e notoi me 6, apo notën maksimale, derisa pas ndeshjes kishte marrë kërcënime të shumta nga brazilianët.

“Ai gjithmonë rrëzohet, me prekjen më të vogël dhe është ndërhyrje ndaj tij”, ka thënë Behrami për Neymarin.

Linku ku mund t’i shihni të gjithë futbollistët si Behrami:

https://www.blick.ch/sport/fussball/nati/heute-gegen-serbien-verlieren-verboten-11-behramis-muesst-ihr-sein-id8527838.html