Boksieri shqiptar triumfon në Itali

Seidi Xhemaili ka triumfuar me nokaut teknik ndaj boksierit nga Çekia, Radek Geissmann

Në Ronago të Italisë edhe një fitore e Sedi Xhemailit. Seidi përmbylli mbrëmjen me një nokaut teknik që në raundin e tretë kundër Radek Geissmann nga Çekia. Puna dhe përkushtimi ndaj boksit për Seidin po tregon vetëm suksese, gjithnjë në bashkëpunim me trajnerin Ramadan Millakun, i cili po punon dhe po tregon një përkushtim të jashtëzakonshëm që Seidi të arrin suksese të larta, njofton menaxheri i tij, Muharrem Gjocaj. 

Për Seidin, ishte fitorja e tetë me radhë dhe premton shumë për të ardhmen, përcjell albinfo.ch.  

“Është një kënaqësi dhe një nder kur shoh se si këta djem po punojnë dhe përkushtohen maksimalisht që të kenë suksese të larta dhe unë si menaxher do të jem i gatshëm që ti mbështes dhe ti përkrah çdoherë, do punojmë  dhe nuk do të ndalem asnjëherë. Fitoret e njëpasnjëshme më bëjnë mua si menaxher të kem një vullnet, që puna dhe përkushtimi të mos ndalen”, shkruan tutje Gjocaj. 

---