BQK-ja raporton për rritje të aseteve pensionale

Sektori pensional ka shënuar rritje të përshpejtuar vjetore të aseteve prej 15.8 për qind, thuhet në raportin e Bankës Qendrore të Kosovës për Vlerësimin tremujor të ekonomisë.

“Vlera e përgjithshme e aseteve të sektorit pensional arriti në 1.54 miliardë euro, që paraqet sektorin e dytë më të madh në sistemin financiar me 27.7 për qind të aseteve. Rritja e aseteve të sektorit pensional kryesisht mund t’i atribuohet rritjes së kontributeve të reja dhe kthimit në investime gjatë kësaj periudhe”, thuhet në raport, përcjell albinfo.ch.

Sipas BQK-së, vlera e arkëtimeve të reja arriti në 77.2 milionë euro, krahasuar me vlerën prej 74.3 milionë euro në qershor të vitit 2016. Po ashtu bëhet e ditur se: “Vlera e arkëtimeve të reja të Fondit të Kursimeve Pensionale të Kosovës (FKPK-së) arriti në 77.0 milionë euro, ndërsa ajo e Fondit Slloveno-Kosovar të Pensioneve (FSKP) arriti në 244.3 mijë euro.